Sérstakur gestur í Kiljunni annað kvöld verður Einar Már Guðmundsson rithöfundur. Í apríl tekur hann við bókmenntaverðlaunum sænsku akademíunnar. Við skoðum bækur úr rithöfundaferli Einars – byrjum á ljóðabókunum Sendisveinninn er einmana og Er einhver í kórónafötum hér inni?

Margrét Örnólfsdóttir rithöfundur velur uppáhaldsbækur sínar. Margrét hlaut nýskeð Fjöruverðlaunin fyrir bókina Með heiminn í vasanum.

Við skoðum einkar glæsilega bók, Interiors nefnist hún, og er eftir Orra Jónsson. Þetta er afar nákvæmar ljósmyndir sem eru teknar inni í íslenskum eyðibýlum. Bókin kemur út hjá Steidl forlaginu í Þýskalandi, en það er þekkt fyrir mjög vandaða prentun.

Bragi talar meðal annars um Jóhann Sigurjónsson, en Kolbrún og Páll Baldvin fjalla um ævisögur tveggja merkra manna, Haraldar Níelssonar og Keith Richards.