Sigmundur Davíð Gunnlaugsson, formaður Framsóknarflokksins, sagði í Silfri Egils í gær að hann hlakkaði mest til þess að ríkisstjórnin færi frá völdum. Nú væri í mesta lagi eitt ár þangað til.

Lilja Mósesdóttir skrifar á Facebooksíðu sína að ríkisstjórnin leggi grunnin að valdatöku Sjálfstæðisflokks og Framsóknarflokks – og það sé greinilegt að þessir flokkar séu farnir að búa sig undir hana:

„Markmið hinnar svokölluðu norrænu vinstristjórnar er að halda íhaldinu og framsókn sem lengst frá völdum. Þráseta ríkisstjórnarinnarer er hins vegar að leggja grunn að valdatöku Sjálfstæðisflokks og Framsóknar eftir næstu kosningar. Þessir flokkar eru farnir að undirbúa valdayfirtökuna með nánu samstarfi í þinginu. Ein misheppnuð tilraun til að koma hér á raunverulegum breytingum fyrir almenning á ekki að verða til þess að okkur finnst bara ágætt að fara í sama farið og fyrir hrun. Í valdahópunum sem ríktu hér fyrir hrun er ekki besta fólkið til að leiða okkur út úr hruninu!“