Seðlabankamenn, bæði fyrrverandi og núverandi, voru nokkuð hálheilagir í sölum Landsdóms.

Það var talsvert vísað til meintra viðvarana þeirra í vitnisburðum – og svo kom saksóknari og hélt ræðu þar sem hún talaði meðal annars um viðvaranir sem hefðu átt að berast Geir Haarde.

Kannski er tilgangslítið að þrasa um þetta – hafi einhverjir varað við þá virtust þeir ekki taka mark á viðvörununum sjálfir. Mikið af þessu virðist líka vera eftiráspuni.

Vissulega var þetta þó eitt atriðið sem fjalla skyldi um í Landsdómi.

Andri Árnason, verjandi Geirs, rifjaði þetta nokkuð snaggaralega  upp þegar hann sagði í varnarræðu sinni í dag að beint tjón ríkissins hefði aðallega verið vegna Seðlabankans og fjárausturs úr honum gegn engum veðum.

Og það á tíma varnaðarorðanna.