Englendingar geta haft mikið skemmtanagildi í sjálfhverfu sinni. Skemmtilegast verður þetta þegar fer að flækjast fyrir þeim að þeir voru eitt sinn heimsveldi.

Sir Dave Richards er formaður ensku úrvalsdeildarinnar í fótbolta, semsagt mikill frammámaður í þeirri íþrótt í sínu landi. Hann er jú sir.

Richards lýsti því yfir á blaðamannafundi í Katar í gær að aðrar þjóðir hefðu stolið fótboltanum frá Englendingum.

Heimsmeistarkeppnin árið 2018 verður haldin í Katar.

Richards lýsti á fundinum miklu áhyggjum vegna þessa, en þó var hann ekki síst áhyggjufullur vegna þess að ekki yrði hægt að kaupa áfengi á mótinu.Hann sagði að Katarbúar gætu alveg eins sagt við Englendinga og Þjóðverja að þeir þyrftu ekkert að koma – þeir vildu fá sitt öl og engar refjar.

Hann taldi að Katarbúar væru að stinga höfðinu í sandinn með þessu – og, jú, það er nóg af sandi í Katar.

Reyndar er sagt að Richards hafi dottið ofan í annað hvort sundlaug eða gosbrunn eftir blaðamannafundinn.