Það hefur lengi legið fyrir að ekki yrði hægt að klára aðildarviðræður við Evrópusambandið fyrir kosningar sem á að halda í apríl 2012 – hvað þá að fara í þjóðaratkvæðagreiðslu um samninginn.

En Vinstri grænir eru mjög farnir að ókyrrast eins og heyra má á tali þeirra beggja, fjandvinanna Steingríms og Ögmundar.

Þeir sjá fram á að fara í kosningar með málið hangandi í lausu lofti yfir sér – og fylgið alveg við botn.

En þeir eiga í raun enga leið út – Vinstri grænir hafa lagt allt undir í ríkisstjórninni og þeir geta ekki sprengt hana í loft upp – þeir hafa varla upp á annað að bjóða í kosningum en þrautseigju Steingríms og hugsanlegan efnahagbata.

Á meðan getur Samfylkingin farið inn í kosningar flaggandi því að hún sé eini alvöru valkostur þeirra sem vilja ESB.