Eitt af þeim fyrirtækjum sem harðast gekki fram í dansinum í kringum gullkálfinn á árunum fyrir hrun var olíufélagið  N1.

Félagið steypti sér í himinháar skuldir sem hafa verið afskrifaðar í stórum stíl. Í öðrum heimi hefði einhverjum kannski dottið í hug að setja einfaldlega svona skuldugt fyrirtæki á hausinn.

Eitt af því sem N1 gerði fyrir hrunið, til að tryggja sér yfirburðastöðu á makaði, var að kaupa upp sjoppur, bílaverkstæði og smurstöðvar allt í kringum landið.

Forstjóri fyrirtækisins er sá sami og þá, Hermann Guðmundsson. Hann segir í viðtali við Bylgjuna í dag að olíufundur á Drekasvæðinu geti gert okkur Íslendinga að ríkustu þjóð í heimi.

Olían er reyndar lengst úti á rúmsjó og spurning að hvaða leyti hún er vinnanleg.

En samkvæmt viðskiptamódeli N1 ættum við nú þegar að hefjast handa við að skuldsetja okkur upp í rjáfur vegna þessarar björtu framtíðar.