Gestur í Kiljunni annað kvöld verður Sandi Toksvig. Hún er enskur rithöfundur, grínisti, útvarpskona- og sjónvarpskona – af dönskum ættum. Toksvig hefur mjög verið viðriðin hin virtu Orange-bókmenntaverðlaun, en þau eru veitt til kvenna. Hún kom hingað til Íslands til að afhenda Fjöruverðlaunin.

Við fjöllum um bækur – eða bókverk Dieters Roth. Hann var geysilega afkastamikill á því sviði, en Gallerí Nútímalist á Skólavörðustíg er að safna saman bókum frá því Dieter bjó á Íslandi, á sjötta og sjöunda áratugnum.

Við sýnum úr viðtali við sænska rithöfundinn Steve Sem-Sandberg, höfund bókarinnar Öreigarnir í Lodz, sem kom út á íslensku nýskeð í þýðingu Ísaks Harðarsonar.

Kolbrún Bergþórsdóttir og Páll Baldvin Baldvinsson fjalla einmitt um þessa bók – og um stórvirkið Þúsund og eina þjóðleið eftir Jónas Kristjánsson.

Bragi rótar í gömlu dóti.

Barnabók eftir Dieter Roth frá 1957.