Gunnar Þ. Andersen, forstjóri Fjármálaeftirlitsins, var rekinn í dag.

Honum var tilkynnt þetta fyrr í dag.

Nýlega birtist álitsgerð frá Andra Árnasyni lögmanni þar sem sagt var að ekki væri ástæða til að aðhafast vegna gamals máls sem tengist Gunnari.

Brottrekstur hans nú mun vera byggður á annarri skýrslu sem er samin af Ástráði Haraldssyni lögmanni.

Aðalsteinn Leifsson lektor við Háskólann í Reykjavík er stjórnarformaður Fjármálaeftirlitsins.

Gunnar tók við sem forstjóri í apríl 2009, eftir að Jónas Fr. Jónsson lét af störfum. Hermt er að hann hafi sent á áttunda tug mála til sérstaks saksóknara.