Samfylkingin skoðar það mjög alvarlega að leggja fram þings­á­lykt­un­ar­til­lögu  á kom­andi þingi um að fram skuli fara þjóð­ar­at­kvæða­greiðsla um fram­hald við­ræðna Íslands um aðild að Evr­ópu­sam­band­inu. Þetta sagði Logi Einarsson formaður Samfylkingarinnar við DV í dag. Segir Logi að leitað verði eftir samstarfi annarra flokka í þeim efnum, en þingflokkur Samfylkingarinnar telur einungis þrjá þingmenn af 63.

Logi segir hugsanlegt að tillaga um þjóðaratkvæðagreiðslu um ESB verði til þess að knýja þingmenn stjórnarflokkanna til að gefa upp afstöðu sína gagnvart málinu:

„Þetta mál verður samt tekið á dag­skrá og örugg­lega með öðrum hætti en um er rætt í stjórn­ar­sátt­mála rík­is­stjórn­ar­inn­ar. Þetta er mál sem allir flokkar ættu auð­vitað að vera sam­mála um. Það voru allir flokkar búnir að lofa því meira og minna fyrir kosn­ingar að þjóðin ætti að fá að ráða þessu. Það er lang­heið­ar­leg­ast,“

sagði Logi við DV. Bæði Viðreisn og Björt framtíð vilja þjóðaratkvæðagreiðslu um hvort ljúka eigi aðildarviðræðum við Evrópusambandið:

Viðreisn hvetur til þess að þeim viðræðum verði haldið áfram og lokið með hagfelldum aðildarsamningi, sem borinn verði undir þjóðina og farið að niðurstöðum þeirrar atkvæðagreiðslu,

segir á heimasíðu Viðreisnar. Í stjórnarsáttmálanum segir orðrétt:

„Komi fram þingmál um þjóðaratkvæðagreiðslu um aðildarviðræður við Evrópusambandið eru stjórnarflokkarnir sammála um að greiða skuli atkvæði um málið og leiða það til lykta á Alþingi undir lok kjörtímabilsins. Stjórnarflokkarnir kunna að hafa ólíka afstöðu til málsins og virða það hver við annan.“

Ari Brynjólfsson – ari@pressan.is