Stjórn­ir Virðing­ar hf. og Kviku banka hf. hafa tekið sam­eig­in­lega ákvörðun um að slíta viðræðum um sam­ein­ingu fé­lag­anna. Í fréttatilkynningu vegna málsins segir að ákvörðunin um að enda samruna­ferlið, sem hófst form­lega 28. nóv­em­ber síðastliðinn, sé tek­in að vel ígrunduðu máli og það sé sam­eig­in­legt álit stjórna beggja fé­lag­anna að full­reynt sé.

„Starfs­fólk Virðing­ar og Kviku hef­ur lagt hart að sér við und­ir­bún­ing samrun­ans og hef­ur sú vinna gengið afar vel þrátt fyr­ir þessa niður­stöðu.“

Í nóv­em­ber í fyrra sendu fyr­ir­tæk­in frá sér til­kynn­ingu um að und­ir­rituð hefði verið vilja­yf­ir­lýs­ing um und­ir­bún­ing samruna. Þar kom fram að í aðdrag­anda sam­ein­ing­ar yrði eigið fé Kviku lækkað um 600 millj­ón­ir króna og lækk­un­in greidd til hlut­hafa bank­ans. Hlut­haf­ar Kviku munu eft­ir samruna eiga 70% hlut í sam­einuðu fé­lagi og hlut­haf­ar Virðing­ar 30%.