Þorsteinn Víglundsson, þingmaður Viðreisnar og félags- og jafnréttisráðherra fráfarandi ríkisstjórnar, óttast stöðnun í þjóðfélaginu komi til ríkisstjórnar Sjálfstæðisflokks, Vinstri grænna og Framsóknar. Þetta segir hann
í samtali við mbl.is.

„Við vitum auðvitað ekki hversu langt samtöl hinumegin eru komin, en í stuttu máli þá hefur verið mjög mikið ákall um breytingar í samfélaginu allar götur frá hruni. Það hefur valdið mikilli pólitískri ólgu.
Stjórnmálin eiga að snúast um það hvernig við horfum til framtíðar, hvernig við tökumst á við þær miklu
áskoranir og tækifæri sem sem blasa við okkur.

Maður óttast hins vegar að stjórn þessara þriggja flokka
sé fyrst og fremst að sammælast um óbreytt ástand.“

Viðreisn fundaði í dag með Pírötum og Samfylkingu, bæði til að vera undirbúin undir viðræður við VG og Framsókn
ef uppúr slitnaði við Sjálfstæðisflokkinn og einnig til að:

„…slípa saman línurnar upp á að geta veitt slíkri stjórn öfluga og málefnalega andstöðu.
Maður óttast að frjálslyndið láti undan í slíku ríkisstjórnarsamstarfi. Það veitir þá ekki
af að vera með vel samstillta stjórnarandstöðu.“