Zendaya var að setja inn nýja færslu inn á smáforritið sitt sem er titluð „Hvernig ég lifði af brotið hjarta.“ Í færslunni gefur hún ráð fyrir þá einstaklinga sem eru að komast yfir sambandsslit og segir frá því hvað hún gerði þegar hún og kærastinn hennar hættu saman í fyrra. Í grundvallaratriðum þá leyfði hún sér ekki að velta sér upp úr sambandsslitunum.
„Ég byrjaði að neyða mig til að hafa gaman. Ég prufaði nýja hluti, fór út og bara gerði fleiri hluti,“
skrifaði Zendaya. Hún bætti við að heilbrigt samband þýði ekki að vera með makanum þínum allan liðlangan daginn. Hún mælti einnig með því að losa sig við hluti sem minna á fyrrverandi.
„Ég losaði mig við gömul smáskilaboð, myndir og klæðnað frá honum sem ég átti ennþá. Þú þarft ekki að halda í gamla plástra. Hentu því í ruslið! Þú þarft að losa þig við allt sem tengist þeim. Það er best að eyða númerinu þeirra. Og ef þú getur ekki alveg sleppt, breyttu allavegana nafninu þeirra í símanum þínum.“
Samkvæmt Huffington Post þá eru margir sérfræðingar sammála Zendaya um að það sé nauðsynlegt að fara út úr húsi og skemmta sér eftir sambandsslit.
„Gerðu eitthvað á „bucket-listanum“ þínum eftir sambandsslit. Svona hlutir eru táknmyndir fyrir næsta kafla í lífinu og minna okkur á að við séum að halda áfram.“
Hvað segið þið kæru lesendur, eruð þið sammála eða ósammála? Hvað gerðuð þið til að komast yfir fyrrverandi?
