Ed Sheeran hefur loksins farið í Carpool Karaoke með James Corden. Þetta er algjör draumur fyrir aðdáendur kappans en þeir félagar taka bæði gömul og ný lög, spjalla um lagasmíði, rómantík og fara í keppni um hvor kemur fleiri Malteasers kúlum í munninn sinn.
Þeir tóku lag með Justin Bieber og ræddu aðeins um poppstjörnuna. Ed deildi þá skemmtilegri sögu um þá vinina frá því þeir voru í Tókýó og fóru saman á djammið. Þeir voru frekar vel í því og ákváðu að fara á golfvöll. Þar setti Justin golfkúlu í munninn sinn og bað Ed um að slá kúluna sem hann gerði að sjálfsögðu. Ed var mjög drukkinn og þú getur kannski ímyndað þér hvernig þetta endaði.
Horfðu á myndbandið af James Corden og Ed Sheeran í Carpool Karaoke hér fyrir neðan.
