Lögreglan í Gainesville í Florída deildi mynd af lögreglumönnunum Nordman, Hamill og Rengering um helgina, en þeir fóru á vettvang að aðstoða fórnarlömb fellibylsins Irmu.
„Þrennan er hluti af næturvaktinni, tilbúinn að taka til starfa,“ var skrifað með myndinni.
Og þrennan rakaði saman aðdáendum, þegar þetta er skrifað hafa 360 þúsund líkað við myndina og 208 þúsund deilt henni, en það voru 134 þúsund skilaboðin við myndina sem vöktu mesta athygli.
https://www.facebook.com/GainesvillePolice/posts/10154671675062015
„Ó nei, ég þarf aðstoð nú þegar…með eitthvað….frá lögreglumanninum hægra megin,“ skrifaði ein kona.
Annar bætti við: „Og bara si svona, þá fór glæpatíðnin í Gainesville upp úr öllu valdi og konur sem hingað til hafa verið löghlýðnar halda á glæpabrautina í anda Thelmu og Louise.“
„Þetta helst í fréttum: fjöldi flugmiða hefur selst í dag til Gainesville Florída. Í ótengdum fréttum, glæpatíðni í Gainesville hefur aukist að kvöldlagi,“ bætti þriðji húmóristinn við.
Lögreglustöðin uppfærði síðar statusinn með myndinni og róaði aðdáendur meðal annars með því að dagatal væri í vinnslu til að safna fé til styrktar fórnarlömbum Irmu.
Upplýsingar um lögreglumennina fengu einnig að fljóta með, aðdáendum þeirra til mikillar gleði.
1) Við tárumst yfir skilaboðunum. Þið hafið fengið lögreglustjórann okkar til að roðna yfir nokkrum þeirra.
2) Eiginkonur Nordman og Hamill finnst gaman að milljónir kvenna séu að missa sig yfir eiginmönnum þeirra.
3) Við getum staðfest að Rengering (lengst til hægri með frábæra hárið) er einhleypur.
4) En hann er einnig á leið í í vernd, svipaða vitnavernd, fyrir æstum aðdáendum.
5) Ekki hringja í 911 og óska eftir að þessi þrenna komi á staðinn vegna þíns „tilviks.“
6) Dagatal mun koma út.
„Takk fyrir öll skemmtilegu skilaboðin, þau hafa létt okkur lundina. Hvað dagatal varðar, þá ætlum við að gera eitthvað í því fljótlega og ágóði mun renna til fórnarlamba fellibylsins Irmu.
