,,Það var mjög gott að fá tíu daga og slappa aðeins af og hugsa um eitthvað allt annað en fótbolta,“ sagði Gylfi Þór Sigurðsson leikmaður Íslands við 433.is í dag.

Gylfi var að klára magnað tímabil með Swansea og fór til Flórída í golf eftir tímabilið til að safna kröftum.

,,Það gekk brösulega, ég byrjaði ágætlega en svo týndi ég sveiflunni en ég fann hana í lokin. Ég er í fínu standi.“

Gylfi er mættur til landsins að undirbúa sig fyrir stórleik gegn Króatíu í undankeppni HM og er spenntur.

,,Við vorum á löngum fundi að fara yfir þá, við þekkjum þetta lið. Við vitum að þetta er hörku lið.“

Gylfi veit að það þarf að stoppa Luka Modric miðjumann Króata sem er einn sá besti.

,,Hann og kannski aðrir þrír lykilmenn, þeir eru með mjög sterka miðju. Þetta er góð liðsheild, við vitum að Modric er einn af bestu mönnunum.“

Viðtalið er í heild hér að ofan og neðan.