Jamie Redknapp sérfræðingur Sky Sports ráðleggur Marcus Rashford að koma sér burt frá Manchester United.
Rashford gæti fengið að spila minna eftir að Alexis Sanchez kom til félagsins.
Rashford hefur talsvert verið á bekknum síðustu vikur og koma Sanchez eykur samkeppni um stöður.
,,Ég finn til með manni eins og Rashford, hann fellur niður röðina og hann hugsar sinn gang núna,“ sagði Redknapp.
,,Það er hluti af því að vera hjá stóru liði en ég held að Rashford gæti hugsað sinn gang núna.“
,,Hann gæti þurft að fara annað, þetta gefur honum ekki sjálfstraust. Hann mun æfa og hugsa að hann sé ekki að fara að spila.“
