Jose Mourinho stjóri Manchester United hefur svarað fyrir það af hverju hann býr enn á hóteli í Manchester.

Einu og hálfu ári eftir að Mourinho tók við United býr hann og aðstoðarmenn hans enn á Lowry hótelinu í Manchester.

Sumir stuðnigsmenn United segja að þetta sýni að Mourinho sé ekki að hugsa til framtíðar en fjölskylda hans býr í London og er Mourinho byrjaður að eyða meiri tíma þar en áður.

,,Ef stuðningsmenn vilja að mér líði vel, svona líður mér vel,“ sagði Mourinho.

,,Ég er mjög latur, ég vil bara koma inn á hótel. Ef stuðningsmenn hafa áhyggjur af því að ég sé ekki sáttur, þá get ég sagt að ég er mjög sáttur.“

,,EF þeir vilja að ég sé í húsi sem ég er ekki sáttur með, einmana og ekki með aðstoðarmönnum mínum. Þá væri ég leiður, leiðir menn vinna ekki vel.“