Chelsea tók á móti Tottenham í stórleik ensku úrvalsdeildarinnar í dag en leiknum lauk með 3-1 sigri gestanna.
Það var Alvaro Morata sem skoraði eina mark Chelsea í dag en Christian Eriksen og tvenna frá Dele Alli sáu um að tryggja Tottenham öll þrjú stigin í leiknum.
Mauricio Pochettino, stjóri Tottenham var að vonum afar sáttur með sigur sinna mann.
„Eftir 28 ára bið þá var kominn tími til þess að vinna hérna. Þetta er góður dagur fyrir alla, stuðningsmenn og leikmenn liðsins og ég er mjög stoltur,“ sagði stjórinn.
„Við stjórnuðum leiknum frá A til Ö en Chelsea skapaði sér færin og þeir skoruðu gott mark. Við vorum miklu betra liðið í síðari hálfleik og áttum sigurinn skilinn.“
„Við gerðum nokkrar áherslubreytingar í hálfleik og þær skiluðu sér. Við vinnum í dag þannig að ég get sagt að þessar breytingar hafi skilað sér. Leikmennirnir eiga líka stórt hrós skilið að koma til baka eftir að hafa lent undir,“ sagði hann að lokum.
