Mohamed Salah var hetja Liverpool þegar liðið heimsótti Crystal Palace í ensku úrvalsdeildinni í dag.
Luka Milivojevic kom Crystal Palace yfir eftir þrettán mínútna leik með marki úr vítaspyrnu.
Loris Karius braut þá klaufalega af sér og Milivojevic var öruggur á punktinum.
Liverpool var miklu meira með boltann og það bar árangur í upphafi síðari hálfleiks. James Milner átti þá fasta fyrirgjöf inn í teig Palace þar sem Sadio Mane var mættur til að klára hana.
Það var svo á 85 mínútu þegar snillingurinn, Mohamed Salah mætti og kom boltanum í netið. Yfirvegaður kláraði hann færið sitt vel.
Einkunnir úr eiknum eru hér að neðan.
Crystal Palace: Hennessey 7; Wan-Bissaka 6 (Fosu-Mensah 88, 5), Kelly 6, Sakho 5, Van Aanholt 6; McArthur 7, Milivojevic 7, Cabaye 6 (Loftus-Cheek 73, 6); Townsend 7, Benteke 4, Zaha 7
Liverpool: Karius 6; Alexander-Arnold 5, Matip 6, Van Dijk 5, Robertson 7; Milner 7, Henderson 7, Wijnaldum 6 (Lallana 65, 5, Lovren 70, 6); Salah 7, Firmino 7, Mane 7.5 (Oxlade-Chamberlain 64, 7)
