Cristiano Ronaldo, sóknarmaður Real Madrid fékk ljótan skurð í andlitið á dögunum í 7-1 sigri liðsins á Deportivo.

Hann lenti í samstuði þegar hann skoraði sjötta mark Real í leiknum og var með svakalegt glóðurauga í vikunni sem lið.

Ronaldo er hins vegar klár í slaginn gegn Valencia en liðin mætast í spænsku úrvalsdeildinni í dag klukkan 15:15.

„Það er oft togað og slegið í mig á vellinum þegar andstæðingurinn reynir að stoppa mig, í þetta skiptið var ég ekki svo heppinn,“ sagði Ronaldo.

„Mér líður betur núna, ég er ánægður, ég er ennþá myndarlegur og ég sé vel þannig að það er ekkert vandamál,“ sagði Ronaldo að lokum.