Stærsti bjórframleiðandi landsins hefur einnig hætt framleiðslu
Íbúar í Venesúela geta ekki lengur keypt venjulegt sykrað Coca-Cola. Ástæðan er sú að allur sykur er uppurinn í landinu. Sykurlausa útgáfa drykkjarins er þó enn fáanleg. Sykurskorturinn er sömuleiðis farinn að segja til sín þegar kemur að öðrum vöruflokkum.
Efnahagsástandið í Venesúela er svo slæmt að segja má að landið rambi á barmi samfélags hruns. Stærsti bjórframleiðandi landsins hefur einnig hætt framleiðslu í bili þar sem ekki er hægt að útvega hráefni til bjórgerðarinnar.
Að auki er mikill vöruskortur er í landinu. Rafmagn er skammtað og hvergi í heiminum er jafn mikil verðbólga og í Venesúela þessa stundina.
Sykurreyr er ræktaður í landinu en framleiðslan hefur dregist mikið saman, meðal annars vegna afskipta stjórnvalda af verðinu. Bændur eiga erfitt með að hagnast á ræktun sykurreyrs því framleiðslukostnaðurinn hefur aukist töluvert.