Vinna við að móta kosningabaráttuna þegar farin af stað
Þrjátíu og átta present landsmanna myndu kjósa Guðna Th. Jóhannesson í embætti forseta Íslands. Þetta er samkvæmt könnun Fréttablaðsins. Fleiri, eða 45 prósent myndu kjósa Ólaf Ragnar Grímsson. Þetta er samkvæmt niðurstöðum könnunar sem birt er í Fréttablaðinu í dag.
Guðni mun í dag kynna framboð sitt í embætti forseta. „Hvaða augim lít þetta embætti og hvernig því skuli gegnt,“ segir hann við Fréttablaðið í dag. Hann segir að vinna við að móta kosningabaráttuna sé þegar farin af stað. „Fyrst og fremst ætlum við að vera bjartsýn, jákvæð, áheyrileg, einlæg, hreinskilin og kappsöm.“
Könnunin var framkvæmd af Fréttablaðinu, Stöð 2 og Vísi þann 2. og 3. maí síðastliðinn. Samkvæmt henni myndu ellefu prósent landsmanna kjósa Andra Snæ Magnason. Aðrir njóta minna fylgis.
Könnunin var gerð þannig að hringt var í 1.161 einstakling þar til náðist í 797 einstaklinga. Svarhlutfallið var 68,6 prósent. Þátttakendur voru valdir með lagskiptu úrtaki úr þjóðskrá. Spurt var: Ef forsetakosningar færu fram á morgun, hvern myndir þú kjósa? 70 prósent þeirra sem náðist í tóku afstöðu til spurningarinnar.