Það verður kosið til Alþingis á laugardag en mikil óvissa ríkir í stjórnmálum hér á landi þessa dagana. Leiðtogar flokkanna og lykilmenn reyna að tryggja sér atkvæði á síðustu metrunum. Mikil spenna er fyrir þessum kosningum en ekki er víst að það verði auðveldur leikur að mynda ríkisstjórn að þeim loknum. Til að slá á létta strengi ákvað DV að bera saman stjórnmálamenn og knattspyrnustjóra á Englandi.

Bjarni Benediktsson – Jose Mourinho

Hafa unnið fína sigra á ferlum sínum en eru alltaf umdeildir, mál sem hafa reynst erfið fylgja þeim.

Steingrímur J. Sigfússon – Arsene Wenger

Hafa mikla reynslu en árangurinn er byrjaður að láta á sér standa, sumir tala um risaeðlur í bransanum.

Þorgerður Katrín Gunnarsdóttir – Antonio Conte

Harðduglegir einstaklingar sem ná oftar en ekki árangri, hafa gert mistök en reyna alltaf að bæta sig.

Katrín Jakobsdóttir – Rafa Benitez

Báðir aðilar trúa mikið á sína aðferð, mikið skipulag en þeir eru ekki allra.

Brynjar Níelsson – Alan Pardew

Glaumgosar sem hafa gaman af lífinu, nálgun þeirra á hlutina hreyfir við fólki.

Helgi Hrafn Gunnlaugsson – Eddie Howe

Trúa báðir á nútíma aðferðir sem ekki hefur verið sannað að virki, reyna að berast til að sanna það fyrir öllum.

Logi Einarsson – Jurgen Klopp

Reyna að telja sínu fólki trú um að þeir séu að verða stórveldi á nýjan leik, það gæti gerst.

Sigurður Ingi Jóhannssson – Sean Dyche

Trúa báðir á aðferðir gamla skólans en með nýjum gildum, krefjast þess að sínir lærisveinar leggi sig alla fram.

Sigmundur Davíð Gunnlaugsson – Sam Allardyce

Þú hatar þá eða elskar þá, fjármál þeirra hafa komist í fréttirnar. Vilja láta verkin tala og ná oftar en ekki árangri.

Óttarr Proppé – Ronald Koeman

Hafa báðir tekið ákvarðanir sem skiluðu ekki góðu, Koeman missti starf sitt í vikunni og Óttarr gæti horfið af Alþingi á laugardag því fylgið er lítið.