Gylfi Þór Sigurðsson verður ekki með Víkingi gegn Breiðablik á morgun í fyrsta leik Bestu deildar karla. Dr. Football greinir frá.
Gylfi fékk högg gegn Fram í bikarnum um liðna helgi og missir af fyrsta leiknum í Bestu deildinni.
„Gylfi Sig verður ekki með,“ sagði Hjörvar Hafliðason.
Þetta er áfall fyrir Víkinga sem hafa þó mikla breidd í sínum hópi, Gylfi hafði verið í góðu formi undanfarnar vikur.
Leikur Víkings og Breiðabliks hefst klukkan 19:00 í Víkinni á morgun.
