Jens Petter Hauge, leikmaður Bodo/Glimt, hefur verið orðaður við nokkur félög í ensku úrvalsdeildinni undanfarið.
Norðmaðurinn hefur slegið í gegn með uppeldisfélagi sínu í Meistaradeildinni á leiktíðinni og hefur það vakið athygli stærri félaga.
Hefur hinn 26 ára gamli Hauge til að mynda verið mátaður við Aston Villa, Everton og Tottenham.
Hauge fór ungur að árum til AC Milan og síðar Frankfurt, þar sem hlutirnir gengu ekki alveg upp fyrir hann. Hefur hann hins vegar verið frábær síðan hann kom aftur til Noregs.
