Harry Kane er sagður vera í viðræðum við Bayern München um nýjan samning sem gæti fært honum umtalsverða launahækkun.

Enska landsliðsfyrirliðinn gekk til liðs við þýska stórliðið frá Tottenham árið 2023 fyrir um 104 milljónir punda og hefur síðan þá verið einn mikilvægasti leikmaður liðsins. Nú vilja forráðamenn Bayern tryggja að hann verði áfram hjá félaginu til lengri tíma þrátt fyrir að núverandi samningur hans gildi til ársins 2027.

Kane, sem er 32 ára, hefur farið á kostum síðan hann kom til Þýskalands. Hann hefur skorað 130 mörk í 133 leikjum fyrir Bayern og leiðir markaskoraralistann í þýsku Bundesligunni á þessu tímabili með 30 mörk.

Samkvæmt þýska miðlinum Bild er Bayern tilbúið að hækka laun hans, sem eru nú um 400 þúsund pund á viku. Með þeim launum er Kane nú þegar launahæsti leikmaður þýsku deildarinnar.

Framherjinn ákvað nýlega að nýta ekki ákvæði í samningi sínum sem hefði gert honum kleift að virkja lausnarákvæði sem rann út í lok janúar.

Fjárhagsstaða Kane er einnig sterk utan vallar. Fyrirtæki hans, HK28 Limited, sem sér um ímyndarréttindi hans, átti yfir 11 milljónir punda í egið fé í lok árs 2024.

Kane hefur einnig fjárfest í nokkrum verkefnum, meðal annars í þýska matvælafyrirtækinu 3Bears Foods GmbH þar sem hann hefur komið fram í auglýsingum fyrir hafragraut fyrirtækisins.