Allt tiltækt lið Slökkviliðsins á höfuðborgarsvæðinu var kallað út og var íbúðin alelda þegar það kom á vettvang.
Greiðlega gekk þó að slökkva og segir Davíð Friðjónsson, varðstjóri hjá slökkviliðinu, í samtali við mbl.is að húsráðendur hafi komist út að sjálfsdáðum. Íbúðin er mikið skemmd af völdum elds og reyks og er rannsókn á upptökum eldsins í höndum lögreglu.
