Það er gott fyrir heilsuna að mæta í ræktina og lyfta lóðum, á sama tíma er hætta á að smitast þar og dreifa sýklum. Ný rannsókn leiddi í ljós að bakteríur leynast undir nöglunum löngu eftir að æfingu lýkur.
Sýni af fjórum einstaklingum sem höfðu lokið klukkustundar langri líkamsrækt sýndu bakteríumagn allt að tífalt meira en á meðal klósettsetu, samkvæmt rannsókn frá íþróttaveðmálasíðunni Stake.
Niðurstöðurnar leiddu í ljós fjölda baktería, þar á meðal stafýlókokka, enterókokka, bacillus og E. coli, sem geta valdið húðsýkingum, útbrotum og fleiru.
Þessi bakteríudreifing stafar líklega af því að nota sama búnað og sveittar dýnur og tugir ef ekki hundruð annarra líkamsræktargesta.
Jafnvel þótt neglurnar þínar líti út fyrir að vera hreinar eftir æfingu geta þær samt innihaldið meira en 15.000 einingar í hverri stroku, magn sem er meira en finnst á flugvélarbakkanum fyrir framan farþega.
Þrátt fyrir þessi tíðindi er engin þörf á að segja upp líkamsræktarkortinu þínu. Einkaþjálfarinn Lee Mitchell deildi fimm helstu mistökum sem leiða til þessarar heilsufarsáhættu.
Þú hefur nýlokið æfingu á æfingabekk eða í tæki. Áður en þú heldur áfram í næstu æfingu skaltu þrífa bekkinn og annan búnað sem þú notaðir. Ekki aðeins þrífast örsmáu örverurnar sem eftir eru í hlýju, sveittu umhverfi, heldur geta þær einnig dvalið á yfirborðum tækja í klukkustundir.
Mitchell sagði við The Post að þú ættir alltaf að „sótthreinsa búnað fyrir og eftir notkun með spreyjum og þurrkum.“
Eftir að þú hefur hreinsað búnaðinn skaltu bíða í um tvær mínútur eftir að hreinsirinn drepi bakteríur almennilega, sagði Melanie McNeal, yfirmaður sjúkraþjálfunar og iðjuþjálfunar við Baylor læknaháskólann.
Þó að það sé freistandi að þurrka svita af andliti eða augum á meðan á erfiðri æfingu stendur skaltu standast freistinguna. Þetta á einnig við ef þú ert að reyna að forðast kvef eftir að einhver hnerrar eða hóstar á þig, þar sem það getur dreift bakteríum hraðar með því að koma þeim í eyru, augu, nef og munn.
„Hver snerting getur flutt bakteríur beint frá höndum þínum á viðkvæm svæði,“ sagði Mitchell. „Hafðu hreint handklæði við höndina.“
Sviti, húðfrumur og örverur geta fest sig á sameiginlegum hlutum, sem fólk er gjarnt á að deila.
„Að lána eða fá að láni handklæði, hanska eða vatnsflöskur er hraðleið fyrir bakteríur til að berast á milli fólks,“ sagði Mitchell. Notið ykkar eigin búnað og lánið hann ekki til að vernda ykkur og alla í kringum ykkur.
Langar fingurneglur eur kjörinn staður fyrir bakteríur, ger og jafnvel snefil af E. coli, sérstaklega í hlýjum líkamsræktarstöðvum sem stuðla að svita og raka.
Að klippa neglurnar og þrífa undir naglaböndunum reglulega með litlum bursta getur komið í veg fyrir að bakteríur vaxi og breiðist út.
Annað mikilvægt ráð til að drepa bakteríur og koma í veg fyrir kvef eða sýkingar er að þvo hendurnar vandlega með sápu og vatni í að minnsta kosti 20 sekúndur.
Hefurðu ekki aðgang að vaski? Hafðu handspritt meðferðis til að halda höndunum hreinum á ferðinni, ráðleggur Mitchell.
Og ef þú þværð þér vel eftir æfingu skaltu nota flip-flops, þar sem sturtur í líkamsræktarstöðvum geta verið uppeldisstöðvar fyrir myglu, sveppi og aðrar bakteríur sem geta sýkt fætur.
