Kristján Óli Sigurðsson gerði upp íþróttaárið með Helga Fannari Sigurðssyni í viðhafnarútgáfu af Íþróttavikunni á 433.is.

Arnar Gunnlaugsson tók við íslenska karlalandsliðinu í byrjun árs 2025 og með honum kom jákvæður blær. Úrslitin hafa þó í heildina látið á sér standa.

Ísland byrjaði á að tapa gegn Kósóvó og falla niður í C-deild Þjóðadeildarinnar undir stjórn Arnars. Við tóku æfingaleikir þar sem vannst til að mynda sterkur sigur á Skotum úti. Því næst var það undankeppni HM, þar sem Ísland féll úr leik þrátt fyrir jafntefli og naumt tap gegn Frökkum.

„Þetta byrjaði ekki sérstaklega hjá Arnari, hent út af Kósóvó. Svo gerðum við ágætlega í nokkrum leikjum í undankeppninni en í enda dags var okkur hent út (gegn Úkraínu).

Ég mun seint fyrirgefa það að það hafi ekki verið hóað í Gylfa Þór fyrir það verkefni. Hvernig hann var að spila undir lok móts, reynsla hans og gæði. Það er fullt af mönnum sem hefði verið hægt að taka út, bara inn með hann,“ sagði Kristján í þættinum.

Gylfi sló í gegn með Íslandsmeisturum Víkings undir lok móts í fyrra og kölluðu margir eftir að hann yrði í landsliðinu í kjölfarið. Svo fór ekki, eins og Kristján talar um.

Umræðan í heild er í spilaranum.