Toni Kroos, fyrrum leikmaður Real Madrid, hefur valið sitt fimm manna draumalið skipað fyrrum leikmönnum liðsins.
Kroos hefur spilað með ófáum góðum leikmönnum hjá Real en aðeins einn fyrrum samherji fær sæti sem er markmaðurinn Iker Casillas.
Það er ekkert pláss fyrir Cristiano Ronaldo í liði Kroos en hann er markahæsti leikmaður í sögu spænska félagsins.
Athygli vekur að Þjóðverjinn Uli Stielike er í liði Kroos en hann lék með Real frá 1977 til 1985 og lék yfir 200 leiki.
Zinedine Zidane fær einnig pláss í liði Kroos en hann þjálfaði þann þýska á Bernabeu.
Í fremstu víglínu er goðsögnin Raúl sem skoraði yfir 220 mörk í spænsku úrvalsdeildinni fyrir félagið frá 1994 til 2010.
Draumalið Kroos:
Markvörður: Iker Casillas
Varnarmaður: Roberto Carlos
Miðjumenn: Zinedine Zidane – Uli Stielike
Framherji: Raúl Gonzalez
