Manchester United hyggst ráðast í umfangsmikla endurnýjun á miðjunni næsta sumar undir stjórn Ruben Amorim.

Félagið fylgist grannt með nokkrum leikmönnum í ensku úrvalsdeildinni, þar á meðal Elliot Anderson hjá Nottingham Forest, Adam Wharton hjá Crystal Palace, Carlos Baleba hjá Brighton og Alex Scott hjá Bournemouth.

Bruno Fernandes hefur vakið upp spurningar um framtíð sína eftir að hafa greint frá því að United hafi reynt að selja hann í sumar og útilokaði ekki að færa sig til Portúgal eða Ítalíu.

Kobbie Mainoo gæti einnig farið, en honum var meinað að fara á láni í sumar og spiltími hans hefur verið takmarkaður. Casemiro, sem verður 34 ára í febrúar, er samningslaus næsta sumar og er talinn á förum.

Manuel Ugarte hefur ekki heillað eftir komu sína fyrir rúmlega 50 milljónir punda og virðist Amorim ekki treysta honum. Fernandes og Casemiro eru meðal hæst launuðu leikmanna félagsins og mögulegar sölur á Marcus Rashford og Jadon Sancho gætu losað fjármagn.