Leið enska landsliðsins að úrslitaleik HM 2026 liggur nú fyrir eftir að dregið var í riðla í Washington D.C. á föstudag. England, sem er meðal fjögurra reyndustu þjóða mótsins, forðaðist sterkustu liðin og var sett í L-riðil.
Þar mætir liðið Króatíu, andstæðingi sínum í undanúrslitum HM 2018, auk Panama sem England vann í riðlakeppninni sama ár. Fjórða liðið í riðlinum er Gana, með leikmennina Antoine Semenyo og Mohamed Kudus.
England hefur leik gegn Króatíu 17. júní í Dallas eða Toronto, mætir svo Gana 23. júní í Boston eða Toronto og lýkur riðlinum gegn Panama 27. júní í East Rutherford eða Fíladelfíu.
Sky Sports gerði grein fyrir líklegri leið Englands áfram: í 32 liða úrslitum mættu þeir þriðja sæti úr E-, H-, I-, J- eða K-riðli.
Í 16 liða úrslitum gæti beðið Mexíkó í Mexíkóborg og í átta liða úrslitum Brasilía.
Í undanúrslitum gæti Argentína beðið og í úrslitum hugsanleg endurtekinn leikur við Spán en liðin mættust í úrslitum EM í fyrra.
