Crystal Palace er að íhuga það alvarlega að selja Jean-Philippe Mateta í janúarglugganum, ef marka má The Sun.
Mateta hefur verið góður á tímabilinu og er með 7 mörk í 14 leikjum í ensku úrvalsdeildinni, en viðræður um nýjan samning hafa siglt í strand. Núverandi samningur hans rennur út 2027.
Palace er brennt eftir stöðuna sem kom upp með fyrirliðann Marc Guehi, sem er á leið frítt frá félaginu næsta sumar, enda að verða samningslaus. Það er því góður tími í janúar til að fá sanngjarna upphæð fyrir Mateta.
Framherjinn hefur til að mynda verið orðaður við stórlið AC Milan á Ítalíu.
Mateta gekk til liðs við Palace frá Mainz árið 2022, fyrst á láni og svo endanlega. Hann átti erfitt uppdráttar til að byrja með á Englandi en hefur blómstrað með tímanum.
