Mikael Silvestre segir að Ruben Amorim verði að koma Manchester United aftur út í Evrópukeppni á þessari leiktíð til að sýna stjórnendum félagsins að hann sé rétti maðurinn í starfið.

United endaði í sinni verstu stöðu í sögu ensku úrvalsdeildarinnar á síðustu leiktíð eftir að Amorim tók við af Erik ten Hag í nóvember. Liðið missti jafnframt af Evrópuboltanum í annað skiptið á 35 árum eftir tap í úrslitum Evrópudeildarinnar gegn Tottenham.

United lyfti sér þó upp í sjöunda sæti eftir sigur á Crystal Palace um helgina og Silvestre telur að portúgalski þjálfarinn hafi sett liðið á rétta braut.

„Þetta tekur tíma, það er engin töfrastafur,“ sagði Silvestre, sem vann fjóra titla og Meistaradeildina með United.

„Þetta var hans fyrsta undirbúningstímabil og gluggi. Mbeumo, Cunha, Šeško og Lammens eru lykilmenn og byrja ef þeir eru heilir.“

„Hann þarf tíma, og að vinna traust stjórnar með Evrópusæti.“