Svona hefst bréf konu til sambands- og kynlífsráðgjafa The Sun, Sally Land, sem skrifar fyrir vinsæla Dear Deidre dálkinn.
Konan er 44 ára og eiginmaður hennar er 46 ára. Þau hafa verið saman í 18 ár og reka bar sem býður upp á mat og drykki.
„Við höfum alltaf verið teymi, í lífinu, ástinni og vinnunni. Fyrir um ári síðan réðum við þjónustukonu til að hjálpa okkur á kvöldin. Hún er á þrítugsaldri.
Til að byrja með var ég þakklát fyrir aðstoðina en það tók ekki langan tíma fyrir viðvörunarbjöllur að hljóma.
Ég fór að taka eftir því að hann fann alltaf einhverja afsökun fyrir því að vera nálægt henni, hló aðeins of hátt að brandörum hennar og hellti fyrir hana drykk eftir lokun á meðan ég gekk frá.
Hann byrjaði að klæða sig betur fyrir vinnu, setja á sig rakspíra fyrir hverja vakt og passaði símann sinn eins og það væru hernaðarleyndarmál á honum. Þegar ég spurði hann út í það kallaði hann mig vænissjúka og afbrýðisama.“
En konan komst að því að innsæið hennar hafði rétt fyrir sér.
„Fyrir nokkrum vikum mætti ég óvænt á barinn og sá þau saman í bakherberginu. Ég get ekki hætt að hugsa um það og þetta er alveg að fara með mig,“ segir hún.
„Hjartað mitt er í þúsund molum, ég trúi ekki að hann hafi gert mér þetta, sérstaklega eftir allt sem við höfum byggt saman. Ég henti honum út og hann býr núna í herbergi sem er fyrir ofan barinn.
Hann er að grátbiðja um fyrirgefningu en ég veit ekki hvort ég geti nokkurn tíma treyst honum aftur.“
„Já, hann er að grátbiðja um fyrirgefningu en ekki drífa þig að taka henni.
Það mun taka þig tíma að vinna úr þessum sársauka og svikum. Einbeittu þér að sjálfri þér og gefðu þér rými til að anda áður en þú tekur stórar ákvarðanir.
Ef þú ákveður að fyrirgefa honum þá mun ráðgjöf hjálpa ykkur.“
