Þetta hefur verið stór vika fyrir örlimi, sérstaklega þá sem tilheyra stórhættulegum einstaklingum.

Í fyrsta lagi bendir ný rannsókn til þess að Hitler hafi verið með örlim og nú fullyrðir ný bók að alræmdur fjöldamorðingi sem fékk viðurnefnið „Golden State Killer“ gæti mögulega hafa komist undir hendur réttvísinnar sökum örlims síns.

Bókin er The People vs. the Golden State Killer eftir Thien Ho, saksóknara í Sacramento. Í henni greinir Ho frá því að örlimurinn hafi verið smáatriðið sem gerði það að verkum að rannsóknarlögreglumenn tengdu mörg glæpaverk við sama geranda, Joseph James DeAngelo Jr.

DeAngelo hafði verið handtekinn grunaður um nokkra hrottalega glæpi víðvegar um Kaliforníu, en lögreglan taldi að hann gæti einnig borið ábyrgð á þeim sem framin voru af geranda sem þá var þekktur sem „Nauðgarinn á Austursvæðinu“.

Fórnarlömb bæði í glæpunum sem DeAngelo var þegar grunaður um og eins í þeim málum sem enn voru óupplýst höfðu lýst því að gerandinn væri með lítið typpi.

Þar sem ekkert DNA tengdi DeAngelo við þessi óleystu mál, skrifar Ho: „Ég þurfti óbein sönnunargögn sem staðfestu að hann væri nauðgarinn á Austursvæðinu. Ég þurfti að staðfesta hversu lítill getnaðarlimur hans var.“

Lögreglumönnum og ljósmyndara var falið að taka myndir af kynfærum DeAngelo á meðan hann var í haldi.

Ho skrifar að ljósmyndarinn „kraup niður til að gera það, en hann varð pirraður eftir nokkrar misheppnaðar tilraunir.“ „Einn lögreglumannanna veifaði höndunum upp í loftið í gremju og gelti … „Það er ekkert þarna,’“ skrifar hann.

Lögreglan tilkynnti Ho: „Það er minna en ummál tíu senta penings og lengd þess er jöfn oddinum á litlafingri þínum.“

„Við höfðum þannig þau óbeinu sönnunargögn sem við þurftum til að staðfesta framburð fórnarlamba DeAngelo,“ skrifar Ho.

Árið 2020 játaði DeAngelo sig sekan um 26 glæpi, þar á meðal árásirnar í austurhluta borgarinnar.

Hann fékk marga lífstíðardóma í röð án möguleika á reynslulausn.