Maðurinn var ákærður fyrir að hafa, sunnudaginn 30. apríl 2023, bakkað bifreið sinni á konu, gangandi vegfaranda, með þeim afleiðingum á hún hlaut brot á sköflungi á vinstri fót og brot á hægri ökkla.
Maðurinn var talinn óhæfur til að stjórna bifreiðinni enda mældist kannabis í blóði hans, eða 24 ng/ml, sem gefur til kynna að hann hafi neytt efnisins ekki löngur áður en slysið varð.
Maðurinn játaði sök fyrir dómi en hann gekk undir greiðslu sektar og sviptingu ökuréttar í 18 mánuði með lögreglustjórasátt þann 16. ágúst 2023. Þar sem brotið var framið fyrir gerð lögreglustjórasáttarinnar er honum gerður hegningarauki.
Fangelsisdómurinn er skilorðsbundinn til tveggja ára en auk þess var hann sviptur ökuréttindum í níu mánuði og gert að greiða málsvarnarlaun og sakarkostnað, samtals tæpar 340 þúsund krónur.
