María Heimisdóttir landlæknir hefur svipt Guðmund Karl Snæbjörnsson lækningaleyfi. Ástæðan er óeðlileg meðhöndlun.
Vísir greindi fyrst frá þessu.
Guðmundur Karl, eða Kalli Snæ eins og hann betur þekktur sem, hefur vakið athygli fyrir baráttu sína fyrir veipi og gegn bólusetningum við COVID-19. Hann var sviptur lækningaleyfi fyrir viku, það er 5. júní.
Ástæðan er tiltekin sem óeðlileg meðhöndlun, það er langvarandi brot gegn faglegum skyldum og misnotkun á rétti til að tjá sig. Að hann hafi ítrekað gert opinberar yfirlýsingar og sent erindi til stjórnvalda sem hafi grafið undan trausti á heilbrigðisþjónustu. Einnig hafi hann miðlað óljósum hugmyndum svo sem um umframdauðsföll án staðfestra vísindalegra gagna.
Guðmundur Karl segir að gagnrýni hans á heilbrigðisyfirvöld og sóttvarnaraðgerðir séu ástæða sviptingarinnar. Hefur hann krafist ógildingar hennar og segir hana ekki standast stjórnsýslulegar kröfur. Sendi hann Umboðsmanni Alþingis bréf þess efnis í dag, 12. júní og segist fara með málið til dómstóla vanræki Umboðsmaður að afgreiða það innan 48 klukkustunda.
