Erik ten Hag fyrrum stjóri Manchester United reyndi að fá félagið til að kaupa ekki Antony frá Ajax.

Kaupin á Antony voru ein af þeim sem voru notuð gegn Ten Hag þegar hann var stjóri United.

Ten Hag var sagður bera ábyrgð á kaupunum á Antony sem var einnig hjá honum hjá Ajax.

„Ten Hag vildi þetta ekki og reyndi að stoppa kaupin,“ segir Kees Vos umboðsmaður Ten Hag í nýrri bók.

„United vlidi hins vegar gera þetta og sama hvað það kostaði, Arsenal var á sama tíma að reyna að kaupa hann.“

„Manchester United endaði á að borga um 100 milljónir evra fyrir hann. Ten Hag vildi þetta ekki en þetta var sett á hann allan hans tíma hjá United. Að hann hefði fengið mann með sér frá Ajax sem stóð aldrei undir væntingum.“