Hinn 39 ára gamli Luka Modric ætlar sér ekki að hætta í fótbolta strax en hann mun yfirgefa Real Madrid í sumar.
Modric er á leið á HM félagsliða með Real Madrid en fer svo frá félaginu.
Ítalskir fjölmiðlar segja að Modric sé búinn að ganga frá samkomulagi við AC Milan um að ganga í raðir félagsins.
Samkomulagið er munnlegt og mun Modric fara til Mílanó um leið og HM félagsliða er á enda.
Modric er töframaður og hefur átt afar farsælan feril með félagsliði og landsliði Króatíu.
