Takumi Minamino, nýr leikmaður Liverpool, mun aldrei gleyma fyrstu orðum Jurgen Klopp er þeir hittust í fyrsta sinn.
Minamino kom til Liverpool frá RB Salzburg í janúar og fékk þá orð í eyra frá litríka knattspyrnustjóranum.
,,Ég mun aldrei gleyma því sem hann sagði – tveimur eða þremur dögum eftir að ég skrifaði undir þá sagði hann mér að ég gæti spilað eins og ég vildi með liðinu,“ sagði Minamino.
,,Ég var mjög ánægður sem leikmaður eftir þetta. Í búningsklefanum þá er hann frábær í að hvetja leikmenn áfram.“
,,Ég vil svara hans hvatningu á æfingum og í leikjum.“