David De Gea markvörður Manchester United er einn sá besti í heimi í sínu starfi, hann hefur að mörgu leyti haldið United á floti síðustu ár.
Markvörðurinn hefur í treyju United átt margar magnaðar frammistöður. Frammistaða hans á Heimsmeistaramótinu í sumar var hins vegar gagnrýnd.
Markvörðurinn var gagnrýndur af fréttamönnum á Spáni, hann þótti ekki góður.
,,Ég hlusta yfirleitt ekki þegar fólk talar á mig, ég hlusta aldrei þegar fólk segir heimskulega hluti,“ sagði De Gea.
,,Ég einbeiti mér að mínu starfi, einbeiti mér að því að hjálpa mínu liði, einbeit mér að því að bæta mig á hverri æfingu. Reyni að vera eins góður og ég get orðið.“
De Gea er sagður fá nýjan samning hjá United innan tíðar og hann virðist elska félagið.
,,Ég finn ástina frá stuðningsmönnum og öllum sem vinna fyrir félagið, ég er mjög glaður að spila fyrir þetta félag. Félagið er eitt það besta í heimi, það er mjög gott fyrir mig að vera hluti af því.“
