Bjarni Helgason skrifar frá Doetinchem:

Alexander Freyr Sindrason, kærasti Fanndísar Friðriksdóttur, er mættur til Hollands til að sjá íslenska landsliðið spila.

Ísland spilar við Sviss í öðrum leik riðlakeppninnar í dag og er Alexander vongóður fyrir komandi verkefni.

,,Þetta leggst bara mjög vel í mig. Það er mikil tilhlökkun og vonandi gengur leikurinn ágætlega,“ sagði Alexander.

,,Við sáum hversu mikinn séns við áttum í Frakkana og ég held að þær séu lítið að pæla í úrslitunum.“

,,Maður er stoltur af skvísunni. Ekki bara þessi leikur, það eru margir leikir sem hún spilar vel og maður er alltaf stoltur af henni.“

,,Maður er alltaf á Facetime með Hallberu og Fanndísi því þær skiljast ekki að. Alltaf double date í gangi þarna!“