Glódís Perla Viggósdóttir, leikmaður íslenska landsliðsins, var gríðarlega svekkt eftir 1-0 tap gegn Frökkum í kvöld.
Ísland spilaði feikivel í leik kvöldsins en Frakkarnir höfðu betur 1-0 eftir mark úr vítaspyrnu.
,,Það er svekkjandi að fá ekkert úr þessu því við lögðum ótrúlega mikla orku og vinnu og attitude og allt í þennan leik og þetta spilaðist eftir okkar höfði,“ sagði Glódís.
,,Við spiluðum frábæran leik og ætlum að taka það með okkur í næsta leik og láta þetta detta með okkur þar.“
,,Við höfum 1-2 klukkutíma til að hugsa um þetta svo verðum við að sleppa þessu og fókusa á leikinn gegn Sviss.“
