Agla María Albertsdóttir, leikmaður íslenska kvennalandsliðsins, bjóst ekki við að fá að byrja leikinn gegn Frökkum í kvöld.
Agla er aðeins 17 ára gömul en hún var í byrjunarliðinu er Ísland tapaði 1-0 gegn Frökkum á EM.
,,Ég hefði getað gert betur en þetta var svoleiðis leikur, þær eru með mjög gott lið,“ sagði Agla.
,,Ég átti engan veginn von á að byrja þennan leik en ég er klár í það sem ég er sett í.“
,,Þetta er erfiður leikur til að sýna eitthvað. Þetta var voða mikið hlaup og að elta og svo komu af og til einhverjar sóknir.“
