Guðjón Baldvinsson, leikmaður Stjörnunnar, var afar svekktur með að fá ekki þrjú stig gegn ÍA í 2-2 jafntefli í kvöld.
,,Þetta er eins og tap bara. Við vorum með yfirhöndina allan leikinn en einhvern veginn ná þeir að skora tvö mörk,“ sagði Guðjón.
,,Maður beið bara eftir seinna markinu en svo kom þetta í andlitið á okkur í 1-1. Við setjum strax 2-1 í síðari hálfleik og maður beið eftir 3-1 en einhvern veginn ná þeir að jafna þetta.“
,,Við eigum það til að detta í eitthvað far sem ég kann ekki að útskýra og svo koma þarna mörk. Þetta er virkilega súrt.“
