Margrét Lára Viðarsdóttir, leikmaður Vals, var hæstánægð í kvöld eftir góðan 4-0 sigur liðsins á ÍBV.
,,Eyjaliðið er með hörkulið og spiluðu góðan varnarleik en þegar fyrsta og annað markið datt þá fannst mér við slaka á og spiluðum af meiri ró og með meira sjálfstraust,“ sagði Margrét.
,,Þetta var bara hörkuleikur og 0-0 eða 1-0 gegn Eyjaliðinu þá er það alltaf ennþá leikur og þær eru með frábæra leikmenn sem geta refsað.“
,,Þær eru ótrúlega þéttar og vel skipulagðar. Jeffsy skipuleggur þær vel og þetta er virkilega gott lið.“
