Jón Aðalsteinn Kristjánsson, þjálfari Fylkis, er bjartsýnn fyrir sumarið en Pepsi-deild kvenna hefst í kvöld.
Jón Aðalsteinn tók við Fylkisliðinu í sumar og segir að markmiðin fyrir leiktíðina séu mjög skýr.
,,Sumarið leggst vel í mig, við höfum æft rosalega vel og erum klár í bátana held ég,“ sagði Jón.
,,Þetta verður rosalegur lærdómur og markmiðið er skýrt að halda liðinu í deildinni númer eitt tvö og þrjú.“
,,Byrjunarliðið fyrir fyrsta leik er klárt. Allar þessar eldri og reynslumeiri eru farnar, það verður klárlega mikil breyting.“
