Helgi Sigurðsson, þjálfari Fylkis, var í skýjunum í dag eftir sigur liðsins á ÍR en með sigrinum tryggði Fylkir sér sigur í Inkasso-deildinni.
,,Það verður ekki ljúfara en þetta. Þetta var erfiður leikur, þetta voru tveir erfiðir leikir gegn ÍR í sumar,“ sagði Helgi.
,,Við sýndum ekki okkar bestu hliðar á vellinum í dag en það sem við sýndum var mikill karakter.“
,,Það er alveg sama hvað önnur lið eyða peningum í menn en það er alltaf langmesta pressan á Fylki að fara upp.“
