Heimir Guðjónsson, þjálfari FH, gat brosað í kvöld eftir dramatískan 2-1 sigur á ÍBV þar sem sigurmark liðsins kom í blálokin.
,,Það var frábært að fá þrjú hús í.. Nei.. Þrjú hús!? Maður er svo ruglaður maður. Þrjú stig í hús og það var frábært að klára þennan leik,“ sagði Heimir.
,,Við sýndum karakter og héldum áfram allan leikinn og sýndum þolinmæði. Þetta náðist á endanum.“
,,Við höfum spilað betur, það er alveg ljóst en við áttum góða kafla þegar boltinn gekk hratt innan liðsins, þá náðum við að opna þá en þeir kaflar hefðu mátt vera fleiri.“
